09 Abe, 2021 - 10:12

Finantzaz Haratago sarearen podcasta

Podcasten sukarrera batu gara! Azkenik iragarri dezakegu egin dugun lan mordoa. Hezkuntza finantzario kritikoa sustatzen duten ekimenez solastuko gara: euskaldunak, estatu mailakoak, globalak… Bestalde, ahots anitzak entzuteko aukera izango dugu, eta erakutsiko digute bestelako finantzak posible direla, eta beharrezkoak, gainera!

Entzun atal pilotuaren aurrerapena:

'COOKIES'-en politika onartu behar duzu eduki hau erakusteko.

Entzun atal pilotua osorik:

'COOKIES'-en politika onartu behar duzu eduki hau erakusteko.

1go atala | «Hala hasi zen dena» (Finantzaz Haratagorekin)

Elkartasunerako Elkarcredit Elkarteko Ritxi Usategi Uriarterekin eta Mugarik Gabeko Ekonomialariak elkarteko Irati Cifuentes Axperekin hitz egin dugu erakunde ezberdinen arteko lankidetza nola sortu zen ezagutzeko. Ikasiko dugu ere nola iritsi den Finantzaz Haratago Euskadiko finantza etiko eta alternatiboetarako erreferentziazko sare bilakatzera.

Entzun aurrerapena:

'COOKIES'-en politika onartu behar duzu eduki hau erakusteko.

Entzun atala osorik:

'COOKIES'-en politika onartu behar duzu eduki hau erakusteko.

2. atala | «Hezkuntza eraldatzailea izango da» (RedEFESekin)

Finantzaz Haratago sareaz hitz egin ondoren, gure podcastaren atal berri honetan estatu mailara egin dugu salto RedEFES, Finantza Etiko eta Solidarioen Heziketaren Aldeko Sarea, ezagutzeko. Sare hori gaur egun honako erakundeek osatzen dute: FETS elkartea, Fundación Finanzas Éticas, Oikocredit Catalunya eta, nola ez, Finantzaz Haratago.

Hezkuntzaren botere eraldatzaileaz eta finantza etiko eta solidarioak sustatzeko duen balioaz hitz egingo dugu honako hauexekin:

Entzun aurrerapena:

'COOKIES'-en politika onartu behar duzu eduki hau erakusteko.

Entzun atala osorik:

 'COOKIES'-en politika onartu behar duzu eduki hau erakusteko.

3. atala | «Ekonomia Sozial eta Solidarioaren Curriculum Global baten aldeko Kanpaina»

Gure podcastaren aurreko bi ataletan, finantza etikoekin lotutako Euskadiko eta Estatuko sare batez, Finantzaz Haratagoz eta RedEFESez, hitz egin dugu. Kapitulu berri honetan, nazioarteko eta diziplina anitzeko esperientzia bati buruz hitz egingo dugu: Ekonomia Sozial eta Solidarioaren Curriculum Global baten aldeko Kanpaina eta kanpainaz geroztik egiten ari diren Biziera Onaren Unibertsitatea.

Curriculum Global baten aldeko Kanpaina hezkuntza-ekimen bat da, eta 2016ko urrian hasi zuten gizarte-ekonomiako eta ekonomia solidarioko hezkuntza-kolektiboek Hegoalde globalean. Gaur egun, 23 herrialdek, nazioarteko 6 sarek eta 61 erakundek osatzen dute, gizarte-erakundeen, gizarte-mugimenduen, erakundeen, unibertsitateen eta herritartasun globalerako eta bakerako hezkuntzan diharduten eskolen artean.

Atal honetan, honako hauen partaidetza entzun ahal izango duzu:

Entzun aurrerapena:

'COOKIES'-en politika onartu behar duzu eduki hau erakusteko.

Entzun atala osorik:

'COOKIES'-en politika onartu behar duzu eduki hau erakusteko.

4. atala | “Ekonomia eta finantzak ez dira zientzia zehatza” (Batxilergoko Ekonomia eskuliburuaren kritika)

 

Institutuan zeundenean ekonomia ikasi al zenuen? Askok ezezko erantzuna emango genuke galdera hori egingo baligute, baina gaur egun gero eta presentzia handiagoa du hezkuntza ekonomiko eta finantzarioak.

Tamalez, gehienetan, ekonomia zientzia zehatza dela irakasten digute. Hau da, sistema ekonomikoa ulertzeko eta antolatzeko modu bakarra dagoela. Baina sistema kapitalistatik at badago bizitza! Hamaika ekimen, erakunde eta pertsona daude ekonomia sozial eta solidarioa bultzatzen dutenak. Baina nerabea zinenean ekonomia irakasgaia izan bazenuen, ziurrenik ez zizuten horren inguruan hitz egin.

Hori dela eta, Batxilergoko ekonomia eskuliburuetako bat analizatu du Finantzaz Haratagok. Maitane Jaio, Javier Murillo eta Jon Bernat Zubiri ekonomian adituak izan dira ikerketaren egileak. Ikasle askorentzat Batxilergoko irakasgai hori izango da ekonomiaren, enpresaren eta finantzen ikasketekin izango duten harreman bakarra beren ibilbide akademiko osoan. Horregatik da horren garrantzitsua ikasgaiaren materialak sakon ikertzea.

Horretaz eta askoz gehiagoz solastu gara Finantzaz Haratagoren podcastaren azken atalean.

Entzun aurrerapena:

'COOKIES'-en politika onartu behar duzu eduki hau erakusteko.

Entzun atala osorik:

'COOKIES'-en politika onartu behar duzu eduki hau erakusteko.

03 Abe, 2021 - 07:12

Hezkuntza finantzario kritiko eta euskalduna nahi dugu

Euskal hiztuna izateak badu zerikusia gaur egungo sistema birpentsatzearekin: Euskaraz bizi, sentitu eta pentsatzen dugunean, ez dugu erabilgarritasunagatik egiten. Erabilgarritasunagatik, ingelesa ikasten dugu. Ala frantsesa, alemaniera, gaztelania… Beste herrialdetako pertsonekin hitz egin ahal izateko, lana topatzeko, beste tokietako kultura ulertu ahal izateko… Euskara, ordea, geure hizkuntza delako erabiltzen dugu, besterik gabe. Erosketako zerrenda egiteko, amesteko, lagun eta senideekin hitz egiteko, musika entzuteko, geure buruarekin hitz egiteko…

Kapitalismoak dena monetarizatzen du, eta ekoizpenerako erabilgarria ez den hori baztertu. Euskara ez da ‘erabilgarritasunaren’ ekuazio horretan sartzen. Horregatik, eskerrak eman nahi dizugu zuri, irakurtzen ari zaren horri, euskaraz lerro hauek irakurtzeagatik, nahiz eta hamaika artikulu topa ditzakezun gaztelaniaz finantza etikoen inguruan.

Finantzaz Haratago sareko kideok tinko egiten dugu euskarazko materialak sortzearen alde. Gaur, abenduak 3, Euskararen Eguna da, baina 365 egun izan beharko lituzke. Hona hemen 2021 urtean egin ditugun materialetako batzuk, euskaratik eta euskaraz, hezkuntza finantzario kritikoa sustatzeko:

Material didaktikoen eskuliburua: Finantza etiko eta alternatiboen hezkuntza ikasgelan

Eskuliburu honen xedea da RedEFES sarearen webgunean eskura dauden baliabideak sarbide errazeko dokumentu batean biltzea, finantza etiko eta alternatiboen hezkuntzako materialak ikasgelan txertatuz eta aplikatuz joateko.

Eskuratu hemen.

Txostena: ‘Aseguruak aztergai’

Txosten honek aseguru-sektoreari begiratzen dio, finantza etikoen ikuspegitik. Bertan, aseguru-merkatua ezagutu ahal izango duzu: ezkutatzen dituen negozio usteletatik hasi eta alternatiba etiko eta solidarioetaraino.

Eskuratu hemen.

Batxilergoko Ekonomia Eskuliburuaren Kritika

Batxilergoko 1go mailan Ekonomia irakasgaia emateko gehien erabiltzen den testuetako bat hautatu dugu, haren ahulezia nagusiak agerian utziko dituen analisi kritiko bat egin ahal izateko. Azterlan honek anbizio handiagoko proiektu baten lehen fasea izan nahi du, testuliburu gehiagoren azterketa ekarriko duena, dituzten gabezia nagusiak identifikatzeko eta haiek gaindituko dituzten material alternatiboak prestatzeko.

Eskuratu hemen.

Posterra: Finanza etikoak eta ekonomia feminista

‘Bizitzaren saregileak. Sare feministak ekonomiaren oinarriak astintzen’ lelopean, 300 lagun baino gehiago elkartu ginen uztailaren 1, 2 eta 3an, Ekonomia feministaren inguruko VII. kongresuan (Bilbon). “Finantza etikoak eta ekonomia feminista” posterra aurkeztu genuen bertan, “Bizitzak erdigunean: zein bizitza eta zein erdigune?” ardatzaren baitan.

Eskuratu hemen.

Gutun irekia, ekonomia-hezkuntza kritiko, plural eta etikoaren alde

Balore Merkatuaren Espainiako Batzordeak (CNMV), Espainiako Bankuak eta Ekonomia Gaietarako eta Eraldaketa Digitalerako Ministerioak eskatu dute finantza-hezkuntzako edukiak zabaltzeko hurrengo eskola-curriculumean. Eta eskaera horren aurrean, erakunde sinatzaileok eskatu dugu ekonomia-hezkuntza kritikoago, pluralago eta etikoago baten parte izan dadila finantza-hezkuntza hori.

Irakurri eta sinatu hemen.

29 Urr, 2021 - 06:10

Finantza etiko eta alternatiboak ikasgelan lantzeko material didaktikoak bildu ditugu argitalpen bakar batean

Finantzaz Haratago saretik, material didaktikoen eskuliburua kaleratu dugu, finantza etiko eta alternatiboak lantzeko ikasgelan.

Dakizuenez, Finançament Ètic i Solidari (FETS) elkartearekin, Oikocredit Catalunya erakundearekin eta Fiare Fundazioarekin elkarlanean, RedEFES (Finantza Etiko eta Solidarioen Heziketaren Aldeko Sarea) webgunea sortu genuen 2019 urtean. RedEFES baliabide birtual bikaina da materialak eta ezagutza partekatzeko. Bertan, irakasleen, eragileen eta hainbat eremutako gizarte-erakundeen harreman zuzena sustatzen dugu, partekatu eta elkarrekin ikasi ahal izateko, eta, horrela, hezkuntza eraldatzailea sustatzeko.

Eskuliburu honen xedea da RedEFES sarearen webgunean eskura dauden baliabideak sarbide errazeko dokumentu batean biltzea, finantza etiko eta alternatiboen hezkuntzako materialak ikasgelan txertatuz eta aplikatuz joateko.

ESKURATU ARGITALPENA HEMEN.

22 Urr, 2021 - 06:10

Gazteei zuzendutako rap tailerra Hernanin: Kapitalismoaren aurrean, Ekonomia Sozial eta Solidarioa lantzeko abestiak

30 urte baino gutxiago badituzu, eman izena Finantzaz Haratago sareak eta Bassque Reggae Kultur Elkarteak Hernanin antolatuko duten rap tailerrean!

Saioak bi egunetan izango dira Kulturarteko Plaza Feministan (Florida 28) eta rap abestiak sortuko ditugu kapitalismoaren aurrean dauden alternatiben inguruan. Kapitalismotik at bada bizitza!

EGITARAUA:

Azaroak 12, ostirala:

17:30-20:30 Aurkezpena eta sarrera

Azaroak 13, larunbata

10:00-13:00 Formakuntza

16:00-19:00 Grabaketa

Izen ematea DOAN da! Anima zaitez!

EMAN IZENA

Zalantzarik baduzu, jar zaitez gurekin harremanetan: info@finantzazharatago.org

11 Urr, 2021 - 10:10

‘Hernani munduari begira’ zikloan izango da Finantzaz Haratago

Mundu zabaleko borroka esperientzia, bizipen eta ikasketak gurera ekartzeko helburuarekin antolatuko dute “Hernani munduari begira” zikloa. Programazio bakarraren baitan jaso dituzte Hernaniko Udaleko Lankidetza Arlotik sustatutako sentsibilizazio hitzaldi, jardunaldi eta erakusketa ezberdinak.

Finantzaz Haratagok ‘Finantza etikoen koloreak’ erakusketa antolatuko du urriaren 18tik azaroaren 7ra, Kulturarteko Plaza Feministan (Florida Auzoa, 28).

Gainera, urriaren 26an, Euskadiko finantza etikoen esperientziak ezagutarazteko mahai-ingurua antolatuko dugu toki berean, honako hauexekin: Ekhilur, Nortlan, Oikocredit Euskadi eta Finantza Etikoen Elkartea Euskadi.

 

24 Ira, 2021 - 11:09

Aseguruak aztergai, finantza etikoen ikuspegitik

‘Aseguruak aztergai’ aurkezten dugu, Estefanía Rodríguez Oterok, Nortlanen ordezkariak, egindako txostena. Nortlan Euskadiko aseguru etiko eta solidarioen lehen artekaritza da.

Finantzaz Haratago sareak eta Garapen Iraunkorraren aldeko Ekimenak Sustatzeko eta Bultzatzeko Elkarteak koordinatu duten txosten honek aseguru-sektoreari begiratzen dio, finantza etikoen ikuspegitik.

Testu honetan, aseguru-merkatua ezagutu ahal izango duzu: ezkutatzen dituen negozio usteletatik hasi eta alternatiba etiko eta solidarioetaraino.

Irakurri txostena hemen.

Honako infografia hauetan topatu dezakezu txostenaren informazio nagusia, sare sozialetan partekatzeko:

 

13 Abu, 2021 - 12:08

Argitalpen berria: ‘Batxilergoko Ekonomia Eskuliburuaren Kritika’

Zein da ikuspegi nagusia Batxilergoko ikasleentzako Ekonomiaren, Enpresaren eta Finantza-hezkuntzaren testuetan? Finantzaz Haratagoko kideok ikerketa hau egiteko eskatu diegu ondoko hauei: Maitane Jaio (Ekonomia Analisian masterduna, Eusko Jaurlaritzaren Bigarren Hezkuntzako irakaslea), Javier Murillo (Ekonomian doktorea, Bigarren Hezkuntzako irakaslea eta irakasle elkartua UCM unibertsitatean) eta Jon Bernat Zubiri (Ekonomian doktorea Grenoble-Alpes Unibertsitatean eta irakasle-ikertzailea UPV/EHUko Ekonomia Aplikatua Sailean). Hartara, kritika- eta aniztasun-elementuak eskaini ahal izango ditugu, irakasgai horietako irakasleek  haien lan pedagogikoan erabil ditzaten. “Argitalpen berria: ‘Batxilergoko Ekonomia Eskuliburuaren Kritika’” irakurtzen jarraitu

23 Uzt, 2021 - 10:07

Ekonomia feministaren inguruko VII. kongresuaren materialak

‘Bizitzaren saregileak. Sare feministak ekonomiaren oinarriak astintzen’ lelopean, 300 lagun baino gehiago elkartu ginen uztailaren 1, 2 eta 3an, Ekonomia feministaren inguruko VII. kongresuan (Bilbon). Saregileak elkarrekin, pisuek, kargek eta banaketa desberdinek zulatutako sareak atontzen dituzten emakumeak* dira. Kongresuan parte hartu genuen lagunok elkarrekin ehundu genituen ekonomiaren oinarriak astintzeko proposamenak. Elkar eusteko, zaintzeko eta arnasteko sare indartsuak sortu genituen, geure eta denon bizitzetan iraultza eragiteko.

Topaketari esker sortutako materialak partekatzen dizkizugu:

Posterra: Finantza etikoak eta ekonomia feminista [Egin klik irudian tamaina osoan ikusteko]

Manifestua: “Krisi bati baino, dimentsio anitzeko kolapso bati egin behar diogu aurre” [Egin klik irudian dokumentu osoa irakurtzeko]

Hitzaldi eta mahai-inguru batzuen bideoak:

'COOKIES'-en politika onartu behar duzu eduki hau erakusteko.

'COOKIES'-en politika onartu behar duzu eduki hau erakusteko.

'COOKIES'-en politika onartu behar duzu eduki hau erakusteko.

'COOKIES'-en politika onartu behar duzu eduki hau erakusteko.

'COOKIES'-en politika onartu behar duzu eduki hau erakusteko.

'COOKIES'-en politika onartu behar duzu eduki hau erakusteko.

14 Uzt, 2021 - 10:07

Gutun irekia, ekonomia-hezkuntza kritiko, plural eta etikoaren alde

Balore Merkatuaren Espainiako Batzordeak (CNMV), Espainiako Bankuak eta Ekonomia Gaietarako eta Eraldaketa Digitalerako Ministerioak eskatu dute finantza-hezkuntzako edukiak zabaltzeko hurrengo eskola-curriculumean. Eta eskaera horren aurrean, erakunde sinatzaileok eskatzen dugu ekonomia-hezkuntza kritikoago, pluralago eta etikoago baten parte izan dadila finantza-hezkuntza hori.

2021eko uztaila

“Gutun irekia, ekonomia-hezkuntza kritiko, plural eta etikoaren alde” irakurtzen jarraitu